etika19

martes, 10 de marzo de 2009

zer dira tratu txarrak?¿

Gizona nagusi izan da betidanik, bai etxe giroan bai lan giroan ere. Emakumearentzat ezinezkoa izan da gizonezkoa bezain beste diru irabaztea edo lehenengo lanpostuetara heltzea.

Egoera hau aldatzen ari den arren,leku aunitzetan emakumea menpekoa izatea elementu kulturaltzat hartzen dute. Eropan bertan, honako datuak aurkitzen dira: Europako Batasuneko bost emakumetatik batek tratu txarrak jasaten ditu.Honen moduko gertaeren aurrean, gainontzeko jendearen barrenak mugiarazi beharko lirateke. Horrela gertatzen da data jakinetan, hala nola: martxok 8 emakumearen eguna, edo azaroak 25 Emakumearen Indarkeriaren Aurkako Nazioarteko Eguna.

Normalean, tratu txarrak, gizon batek bere emakumea bere etxe barruan jipoitzeari erraten diogu.Baina bortxakeri modu asko daude: sexualak, hitzezkoak, psikologikoak eta ez bakarrik etxean, lan giroan eta kalean ere bai.

Arazoa dirudien baino latzagoa da eta justiziak emakume bat hiltzen duten arte, ez du benetan parterik hartzen. Behin mina eginda, kondena eta zigor gogorragoak ezarri baharko zizkieten. Zorigaitzei aurrea hartzeko, besteok, salatu behar ditugu tratu txarrak, isiltasunak ez baitu laguntzen. Harrigarria dirudien arren, jendea bizilagunaren kolpeak entzuteko gor dago, erasotzailea salatzeko mutu eta lankidearen jazarpen sexuala ikusteko itsu.